Lexoni edhe:
Nuk ka ligj për supermenët e Kosovës, marrin deri në 6 - 8 paga dhe janë të pa prekshëm
Presidenti i Federatës së Futbollit të Francës, Noel Le Graet, ka thënë se nuk ka racizëm në futboll, pas akuzave që Neymari ia bëri mbrojtësit të Marseille, Alvaro Gonzalez.
Neymari u përjashtua nga ndeshja në disfatën e Paris Saint-Germain 1:0 kundër Marseille të dielën, e cila mbaroi me një përleshje mes dy palëve gjatë të cilës ylli brazilian e qëlloi me shpullë pas qafës Gonzalezin.
Duke u larguar nga fusha, Neymari e akuzoi Gonzalezin për komente raciste.
Më vonë, Neymar kërkoi falje që e goditi mbrojtësin spanjoll, duke thënë se veproi si budalla, por ky incident e ka sjellë sërish në qendër të vëmendjes çështjen e racizmit në futboll.
Nuk ka ligj për supermenët e Kosovës, marrin deri në 6 - 8 paga dhe janë të pa prekshëmLexoni edhe:
Në një intervistë për BFM Business, Le Graet ka folur për incidentin e së dielës dhe tha se çështja e racizmit në futboll zmadhohet duke e përmendur si dëshmi faktin se tifozët i brohorasin lojtarëve me ngjyrë kur ata shënojnë gol.
“Kur një lojtar me ngjyrë shënon gol, i tërë stadiumi çohet në këmbë. Ky fenomen i racizmit në sport dhe në veçanti në futboll, nuk ekziston aspak apo zor që ekziston”, tha Le Graet.
(Kosova Sot Online )