Laçi i pafat, eliminohet në fund nga Hapoel Beer Sheva
Laçi ishte në rrethin e tretë të Europa Ligës deri në minutën e 90-të te ndeshjes kundër Hapeol Beer Sheva
Skuadra kurbinase e Shqipërisë për gjashtë minuta është eliminuar sot në rrethin e dztë eliminator nga Hapoel Beer Sheva.
Laçi për 90 minuta ishte në avantazh kundër skuadrës izraelite por dy golat e Hapoelit në minutat shtesë të ndeshjes bënë që laçianët të eliminohet.
Pjesa e parë e ndeshjes përfundoi me rezultat 0-0, kurse që në fillim të pjesës së dytë Laçi do të shënonte gol.
Ishte Kyrian Nëabueze që shënoi një gol të bukur në minutën e 59-të te ndeshjes.
Laçi ishte duke luajtur më mirë dhe duke e kontrolluar ndeshjen pavarësisht presionit të Hapoelit, kur në minutën e 86-të me të kuq u përjashtua Ardit Deliu.
Këtu edhe filloi rënia e Laçit.
Fillimisht në minutën e 90-të rezultatin do ta barazonte Jhonatan Agudelo, kurse në minutën e 93-të do të shënonte edhe Gaetan Varenne duke i dhënë kështu kualifikimin Hapeolit në rrethin e tretë të Europa Ligë.
(Kosova Sot Online)