Hadergjonaj bëhet me skuadër të re, udhëton drejt Turqisë për të nënshkruar

  • S.A /
  • 25 September 2020 - 10:17
Hadergjonaj bëhet me skuadër të re, udhëton drejt Turqisë për të nënshkruar

Florent Hadergjonaj pritet të rikthehet në futbollin turk, pas tetë muajve huazim.

Mbrojtësi i Kosovës ishte i huazuar te Kasimpasa nga Huddersfield nga janari, teksa klubi nga Stambolli do ta rikthejë përsëri atë.

Ajansspor ka raportuar se Kasimpasa ka fituar garën për të nënshkruar me mbrojtësin kosovar.

26-vjeçari gjatë ditës së sotme pritet të udhëtojë drejt Stambollit për të nënshkruar kontratën.

Marrëveshja mes dy klubeve është arritur, por që nuk janë zbuluar detaje financiare nga mediat.

Hadergjonaj shkëlqeu pas huazimit te Kasimpasa nga janari ku zhvilloi 18 ndeshje me klubin nga Stambolli.

Reprezentuesi kosovar u kërkua edhe nga skuadrat tjera turke si Fenerbahce e Besiktas, por në fund duket se e ka bindur oferta më e mirë e bardhekaltëeve të Kasimpasas.

Për Hadërgjonajn, Kasimpasa është klubi i katërt në karrierë, pasi më parë ka luajtur edhe për Young Boys Bern, Ingolstadt e Huddersfield.

(Kosova Sot Online )