Motoristi i MXGP në koma pas aksidentit të rëndë në garë (VIDEO)

G.G /
29 September 2020 - 13:38

Piloti lituanez Arminas Jasikonis ndodhet në gjendje kome të komanduar, pas aksidentit që ka pësuar ditën e diel, në garat e kampionatit MXGP.

Ai ishte protagonist i një rrëzimi dhe qëndroi në tokë pa lëvizur deri në momentin që erdhi ndihma e shpejtë dhe u dërgua me urgjencë në spital me një helikopter privat.

Aksidenti ndodhi në Mantova të Italisë, në garat e kampionatit MXGP dhe situata shëndetësore e pilotit duket e rëndë.

“Mjekët diagnostikuan një traumë celebrale në tru dhe ai hyri në koma të komanduar, për të stabilizuar gjendjen e tij. Gjendja është e rëndë dhe ky është një moment i vështirë për pilotin dhe familjen e tij”, thanë mjeket dhe menaxheri i pilotit.

Arminas Jasikonis, 23 vjeç, garon për skuadrën Rockstar Energy Husqvarna Factory Racing MXGP.