Lexoni edhe:
Peci: Shqipëria të iniciojë hulumtim në Këshillin e Evropës sikur Dick Marty, të hetohet Serbia e Vuçiq
Bokesieri kosovar, Besart Pireva u stolis me medaljen e bronztë në garën e Grand Prixit, që po mbahet në Zagreb të Kroacisë.
Pireva, bursist i KOK-ut, në kategorinë deri në 81 kilogramë, shënoi një fitore ndaj francezi Raphael Monny, ndërsa në gjysmëfinale u mund nga kroati Leo Cvetkoviq.
Pjesëmarrëse në Grand Prix ishte edhe bokesierja jonë, Donjeta Sadiku (-60 kg), e cila pësoi humbje 2:1 nga suedezja, Agnes Alexiusson, në luftën e parë.
Ndarjen e drejtësisë në këtë garë shumë të fortë, me pjesëmarrje të 14 shteteve, e bëri gjyqtari ynë ndërkombëtar, Latif Demolli.
Kjo ishte gara e parë e boksierëve tanë që prej përhapjes së pandemisë COVID-19.
(Kosova Sot Online )