Kroos: Kurrë s’kemi dyshuar në Zidanin, kundër Gladbachit si një finale

Toni Kroos, mesfushori i Real Madridit, është shfaqur në konferencë për media para ndeshjes në Ligën e Kampionëve me Borussia Mönchengladbach.

Reali humbi sfidën e parë në shtëpi 2-3 nga Shakhtar dhe sipas Kroos, të martën mbrëma fitorja është e obligueshme për Los Blancos.

Ai foli edhe për thashethemet e fundit për dyshimet në Zinedine Zidane pas dy humbjeve, situatë që u qetësua paksa pas triumfit në Camp Nou kundër Barcelonës.

“Kurrë nuk kemi dyshuar në Zidanin. Humbim së bashku, fitojmë së bashku. Nëse nuk fitojmë nuk themi se nuk jemi me trajnerin, ne jemi të gjithë së bashku.

“Pas humbjes në sfidën e parë kundër Shakhtar, është normale se për ne është nesër kjo sfidë si një finale, presioni është rritur”. 

(Kosova Sot Online)