Lexoni edhe:
Doktorët në Belgjikë thonë se po iu kërkohet të punojnë dhe pse janë të infektuar me Covid-19
Kumbulla: Kam shumë për të mësuar, e lashë Ibrahimovicin të shënojë
Marash Kumbulla e ka pranuar se i duhet të mësojë dhe të përmirësohet shumë, pasi ia siguroi një barazim dramatik Romës kundër Milanit të hënën mbrëma.
Përfaqësuesi i Kombëtares së Shqipërisë shënoi në fund të pjesës së dytë për t’ia nxjerrë Romës një pikë në barazim 3:3 me Milanin në San Siro.
Ky ishte goli i dytë për qendërmbrojtësin shqiptar në fanellën e Romës, të cilës iu bashkua këtë verë nga Hellas Verona.
“Është mirë dhe e lehtë për ne të shënojmë nga ndërprerjet”, tha Kumbulla për Sky Sport.
Duke folur për lojën e vet, Kumbulla shtoi: “Unë mund të përmirësohem në gjë aspekt. E bëra një gabim te goli i parë që e morën, të cilin kam mundur ta shmangsha. Por isha më fat që u shpagova duke shënuar gol vetë”.
“(Trajneri Juric) Ivan më ka dhënë vetëbesim, jam përmirësuar shumë dhe tani jam këtu në Romë dhe shpresoj t’i ndihmoj ekipit”, nënvizoi ai.
(Kosova Sot Online)
