Presidenti i Ligës së Serie A: “Sistemi i futbollit pranë katastrofës ekonomike, duam dëmshpërblime”

  • S.A /
  • 31 tetor 2020 - 14:43
Presidenti i Ligës së Serie A: “Sistemi i futbollit pranë katastrofës ekonomike, duam dëmshpërblime”

me gjendjen më të vështirë të kaluar ndonjëherë që në periudhën e pas luftës. Mund të them se klubet janë shumë pranë një shkatërrimi ekonomiko-financiar. I kam shkruar edhe kryeministrit Conte, për t’i kujtuar rolin e futbollit si industri primare e argëtimit, por edhe markë në nivelin global”, shprehet Dal Pino.

Më pas kreu i Ligës bën apel që klubet të ndihmohen ekonomikisht për të kompensuar dëmin e pësuar dhe këshillon që ministritë përkatëse të punojnë bashkë për të gjetur zgjidhje të cilat do ta çojnë përpara këtë sport.

“Bota e futbollit nuk është ajo që tërheq më shumë vëmendjen e njerëzve, por edhe një burim punësimi për më tepër se 300 mijë persona. Unë mendoj se klubet duhen ndihmuar për të kompensuar dëmet e pësuara nga masat e qeverisë. Ministritë përkatëse duhet të punojnë bashkërisht për të gjetur rrugën e duhur për ta çuar përpara këtë sport. Por më e rëndësishmja është që qeveria të kuptojë rolin e këtij sporti. Në Itali luan një rol të jashtëzakonshëm në aspektin social e ekonomik, ndërsa në botën jashtë është një mjet shumë i fortë komunikimi”, deklaroi kreu i Ligës. 

(Kosova Sot Online )