Lexoni edhe:
Nuk i ndezte vetura, gjarpëri gjigant te motori ia ndërpreu funksionin
“Pozita më e mirë për Pogban për momentin është në stol”
Pozita më e mirë e Paul Pogbas për momentin është në bankën e rezervistëve, sipas ish-mbrojtësit të Francës Frank Leboeuf, i cili thotë se trajneri Ole Gunnar Solskjaer nuk e di se çfarë të bëjë me mesfushorin e Manchester United.
Të dielën kundër Arsenalit në Old Trafford, Pogba ishte titullar për Unitedin për herë të parë që prej humbjen 6:1 kundër Tottenhamit më 4 tetor. Ai zuri vend në krahun e majtë të mesfushës diamant në formacionin titullar të Ole Gunnar Solskjaer.
Por 27-vjeçari e pati një natë për ta harruar në Old Trafford, pasi përveç e nuk bëri paraqitje të mirë, ishte edhe shkaktar i humbjes së tretë të Unitedit në shtëpi këtë sezon.
Pogba e shkaktoi penalltinë nga e cila Pierre-Emerick Aubameyang ia siguroi Arsenalit fitoren 1:0.
Sipas Leboeuf, Pogba nuk e meriton të jetë titullar në formacionin e Unitedit për momentin.
“Nuk e di nëse ka shpjegim për formën e Unitedit. Ajo çfarë ka treguar Manchester Unitedi nuk është e mjaftueshme në Premierligë. Niveli i lojës së Unitedit ka rënë në mënyrë dramatike”, tha ish-mbrojtësi i Chelseat dhe Francës.
“Ishte e çuditshme ta shohësh mesfushën diamant sepse Solskjaer e deshi Pogban në mesfushë ku është problem, sepse e ndryshoi në pjesën e dytë”, shpjegoi ai.
“Mbase ai nuk e di çfarë të bëjë me Pogban. Solskjaer duhet të rimendojë për pozitën e tij dhe mbase pozita më e mirë e Pogbas për momentin është në stol”, sipas tij.
(Kosova Sot Online )
