Lexoni edhe:
Gëzon super famë, por në fund të ditës edhe Ronaldo është pak si ne! Kjo histori na njohu me anën tjetër të yllit portugez!
Koeman i pakënaqur me lojtarët e vet, edhe pas fitores së Barçës kundër Dynamos
Trajneri i Barcelonës, Ronald Koeman, e ka pranuar se skuadra e tij ka nevojë të përmirësohet në disa pjesë të lojës, pas fitores së vështirë 2:1 kundër Dynammo Kiev të mërkurën në Ligën e Kampionëve.
Lionel Messi nga penalltia në fillim të ndeshjes dhe Gerard Pique në pjesën e dytë shënuan për Barçën, me golin e Viktor Tsygankov që ishte i pamjaftueshëm për vizitorët ta shmangnin humbjen në Camp Nou.
Por ukrainasit kanë mundur të shënonin edhe disa herë të tjera, sikur mos të ishte për pritjet heroike të Marc-Andre ter Stegen.
Katalonasit i lejuan shumë hapësirë në mbrojtje Dynamos, e cila krijoi plot raste shënimi pavarësisht se i munguan disa lojtarë kyçë për shkak të Covid-19 dhe lëndimeve. “Në përgjithësi jemi mirë, sepse t’i fitosh tri ndeshjet e para në Ligën e Kampionëve është gjë shumë pozitive”, tha Koeman. Ai shtoi: “Ne duhet të luajmë mirë dhe ç’është më e rëndësishmja ne duhet të përmirësohemi në lojën pa top”.
(Kosova Sot Online )
