Lexoni edhe:
Reagon ish ushtari i UÇK-së: Jam katolik, por në Kosovë bëm luftë ndaj Serbisë e jo luftë fetare
Legjenda daneze fajëson Conten, paralajmëron largimin e Eriksenit
Ish-ylli i Tottenhamit këtë sezon i ka vetëm shtatë paraqitje në të gjitha garat, por ka dështuar të shënojë apo të asistojë deri tash
Legjenda e Danimarkës, Michael Laudrup ka folur rreth largimit të mundshëm të Christian Eriksenit nga Interi.
“Unë nuk besoj që ai nuk është duke u adaptuar në futbollin italian”, tha Laudrup.
“Ai është një lojtar i mrekullueshëm. Ai ka dy mesfushorë mbrapa tij dhe një gjigant si Romelu Lukaku, i cili lëviz shumë dhe Lautaro Martinez, i cili ka një teknik të mirë”, shtoi trajneri danez.
“Unë i shoh gazetat lokale, veçanërisht ‘La Gazetta dello Sport’, e cila gjendet në Milano. Ata kanë gazetarë të cilët shkruajnë që eksperienca e tij është duke e arritur fundin. Ata i marrin informatat prej diku, ndoshta edhe prej klubit”, shtoi ai.
“Unë mendoj që Eriksen duhet të shikojë përreth për ndonjë ekip të ri. Por nuk është e lehtë, gjithashtu. Nuk është e lehtë të gjejë klub i cili do të paguajë shumë të madhe parash për të, duke konsideruar sa pak ka luajtur”, përfundoi legjenda e Danimarkës.
(Kosova Sot Online )
