Bayern mposht Dortmundin, merr kryesimin e Bundesligës

  • G.G /
  • 07 nëntor 2020 - 21:10
Bayern mposht Dortmundin, merr kryesimin e Bundesligës

Borussia Dortmund prapë nuk e ka gjetur rrugën për ta mposhtur Bayern Munchen. Skuadra verdhëezi është mposhtur në Signal Iguna Park me rezulta 2-3, në një ndeshje që e filloi më mirë por në fund e humbi atë

Borussia Dortmund është mposhtur përsëri nga Bayern Munchen, duke humbur kështu mundësinë që të jetë në vendin e parë në Bundesligë.

Me këtë fitore, tanimë në vendin e parë do të jetë Bayern Munchen që ka vazhduar me lojëra të mira, pasi që ishte mposhtur katër xhiro më parë.

Dortmund do të shënonte gol në minutën e fundit të pjesës së parë ku Reus do ta kalonte në epërsi skuadrën vendase. Por, në katër minutat shtesë, Bayerni do të reagonte dhe do të shënonte gol.

https://tiger.cdnja.co/v/qv/qVy5y.mp4?secure=Vo1tpoLl5lCDdPKPOjIC0Q&expires=1604788200

Ishte David Alaba që shënoi një supergol nga goditja e lirë në minutën e 4 shtesë të pjesës së parë.

https://tiger.cdnja.co/v/ak/ak3rW.mp4?secure=hX44FWT2zH9GKHtNTudk7Q&expires=1604788200

Në pjesën e dytë Bayern e filloi fuqishëm dhe erdhi të goli në minutën e 48-të. Ish sulmuesi i Borussia Dortmund, Robert Lewandowski do të shënonte gol kundër ish skuadrës së tij.

https://tiger.cdnja.co/v/a0/A0a5R.mp4?secure=YBnZbbdrZUkyKp4SZdkJJw&expires=1604788200

Bayern do të shënonte përsëri. Kësaj radhe goli u shënua në minutën e 80-të nga prurja e re e Bayernit, Leroy Sane.

https://tiger.cdnja.co/v/br/brbee.mp4?secure=bxwp6YlRqCVpLaEQDtwmyA&expires=1604788200

Dortmundi u mendua që do të kthehej në lojë, pasi që në minutën e 83-të, Erling Haaland shënon gol, por tashmë ishte vonë dhe vendasit nuk arritën që të barazojnë.

https://tiger.cdnja.co/v/mb/MBb13.mp4?secure=TG8ZKj4thIM5YwXOyNpUHw&expires=1604788200

Me këtë fitore, Bayern pas shtatë xhirove merr vendin e parë në Bundesligë me 18 pikë, kurse Dortmund është në vendin e 3-të me 15 pikë.

(Kosova Sot Online)