Lexoni edhe:
Januzaj kërkohet nga dy skuadra në Angli
Kosovës i bashkohet Valon Berisha, por Celina është në dyshim pasi u lëndua
Kombëtarja e Kosovës e ka mbajtur stërvitjen e fundit në Durrës në kuadër të përgatitjeve për dy ndeshjet e fundit të edicionit të sivjetmë të Ligës së Kombeve, kundër Sllovenisë dhe Moldavisë në kuadër të Ligës C.
Në seancën e sotme, e cila u zhvillua në stadiumin “Niko Dovana” ekipit iu bashkua Valon Berisha, i cili mungoi në miqësoren kundër Shqipërisë, derisa për shkak të një shqetësimi muskulor në stërvitje mungoi Bersant Celina.
Edhe në stërvitjen e sotme Dardanët ishin maksimalisht të përkushtuar, teksa vërehet dëshirë e madhe për t’u rikthyer tek rezultatet pozitive. Ekspedita e Kombëtares nesër në mëngjes do të udhëtojë në Lubjanë, ku do të mbajë stërvitjen e fundit para përballjes me Slloveninë.
Kosova do të përballet me Slloveninë të dielën më 15 nëntor derisa tri ditë më vonë në Prishtinë presin skuadrën e Moldavisë.
(Kosova Sot Online)
