Lexoni edhe:
Fury e anulon meçin e 5 dhjetorit: Kthehem më 2021 për lavdi
Javier Mascherano e ka njoftuar pensionimin nga futbolli, pasi e shijoi një karrierë të bujshme 17-vjeçare në Amerikën Jugore dhe në Evropë.
Mesfushori mbrojtës e nisi karrierën profesionale me gjigantin argjentinas, River Plate, në vitin 2003 dhe e kaloi një vit në Brazil te Corinthians para se të kalonte në Premierligë.
Mascherano e kaloi një periudhë të shkurtër te West Hami, e pastaj tri vjet në Liverpool nga ku iu bashkuar Barcelonës, klubit me të cilin e kaloi periudhën më të suksesshme në karrierë.
Pasi i fitoi pesë tituj në La Liga dhe dy trofe në Ligën e Kampionëve në mesin e shumë trofeve të tjerë gjatë tetë vjetëve në Camp Nou, ai u josh nga Hebei China Fortune.
36-vjeçari u rikthye në Argjentinë në janar duke iu bashkuar Estudiantes, me të cilin kishte kontratë deri në fund të këtij sezoni.
Fury e anulon meçin e 5 dhjetorit: Kthehem më 2021 për lavdiLexoni edhe:
Megjithatë, Mascherano ka vendosur t’i varë këpucët në gozhdë tani.
“Ka ardhur koha t’i jap fund karrierës për shkak të gjërave që më ndodhën në muajt e fundit në jetën personale dhe pasi e kam menduar mirë këtë, kam vendosur që është e drejtë t’i jap fund sot”, tha Mascherano në një konferencë për media.
(Kosova Sot Online )