Lexoni edhe:
Lëndohet Sergio Busquets
Mesfushori i Manchester United, Paul Pogba, ka thënë se po kalon nëpër periudhën më të vështirë në karrierë, por këmbënguli se po e gjen lumturinë te Kombëtarja e Francës.
Mesfushori francez numëron vetëm 10 paraqitje për Unitedin në Premierligë dhe Ligën e Kampionëve këtë sezon, por është përfshirë në 11-shën startuese vetëm në gjysmën prej tyre, raporton Gazeta Express.
Trajneri i Unitedit Ole Gunnar Solskjaer nuk e ka filluar sezonin në mënyrën më të mirë, pasi që qëndrojnë të 14-tit në Premierligë pas shtatë ndeshjeve.
27-vjeçari në ndeshjen kundër Portugalisë, luajti rol kyç në fitoren e së shtunës mbrëma.
“Unë kurrë nuk kisha një periudhë kaq të vështirë në karrierën time,” tha Pogba.
“Skuadra e Francës është ajër i pastër, grupi është i jashtëzakonshëm, është magjike”.
Trajneri i kombëtares franceze Didier Deschamps, simpatizon yllin e Manchester United dukë shpresuar që ta ndihmojë atë për të gjetur formën e tij më të mirë.
“Ai është në një situatë me klubin e tij me të cilin ai nuk ndihet i lumtur, njëlloj si me kohen e tij që luan apo me pozitën ku duhet të luaj”, tha Deschamps.
Lëndohet Sergio BusquetsLexoni edhe:
“Ai nuk është në formën më të mirë, pasi ka kaluar nëpër disa lëndime dhe së fundmi me COVID-19, të cilat e larguan nga forma e tij. Ai duhet të gjej ritmin e tij”, shtoi ai.
Pogba ende ka shans që të tregoje aftësitë e tij me Francën në ndeshjen kundër Suedisë në Ligën e Kombeve të martën, dhe shpreson që të jetë përsëri në 11-shën startuese te United për të shtunën.
(Kosova Sot Online )