Armend Thaqi ftohet në Kombëtare për ndeshjen me Moldavinë

Armend Thaqi është ftuar nga ekipi kombëtar i Kosovës për ndeshjen e nesërme me Moldavinë.

Trajneri Bernard Challandes ka vendosur që ta shtojë mbrojtësin e djathtë kosovar në listën e të ftuarve për ndeshjen e fundit të Ligës së Kombeve, duke i pasur parasysh mungesat e shumta shkaku i lëndimeve dhe kartonëve.

Ftesën e Thaqit e ka konfirmuar edhe trajneri i tij tek Ballkani, Ismet Munishi, përmes një postimi në rrjetin social, Facebook.

Kjo nuk është hera e parë që ish-mbrojtësi i Prishtinës dhe Gjilanit ftohet në Përfaqësuese.

Madje, ai e kishte edhe mundësinë të debutonte me ekipin Verdhekaltër.

Thaqi është sot mbrojtësi më i mirë i djathtë në Superligën e Kosovës në futboll.

Ai ndërkohë është njëri prej futbollistëve të paktë të ligës elitare kosovare që ftohet në Kombëtare. 

(Kosova Sot Online)