Lexoni edhe:
Trajneri i Belgjikës optimistë: Viti 2021 do të jetë vit i shkëlqyer për Eden Hazardin
Ky është formacioni i mundshëm i Kosovës përballë Moldavisë
Kosova do të jetë sot (e mërkure) nikoqir i Moldavisë për përballjen në kuadër të rrethit të gjashtë në Ligën e Kombeve, përkatësisht Liga C, Grupi 3.
Dardanët në takimin e parë të zhvilluar në Palermo të Italisë, kishin barazuar 1-1 ndaj moldavëve, ndërsa sonte do e kërkojnë vetëm fitore, por edhe një barazim do të bënte që të mbeteshim në Ligën C.
Pas dhjetë ndeshjeve, Përfaqësuesja jonë ka tetë humbje dhe dy barazime, e në këtë takim mungon trajneri Bernard Challandes i infektuar me coronavirus, derisa në krye të ekipit do të jetë ndihmësi i tij, Muharrem Sahiti. Kosova në këtë takim do të jetë pa lojtarët si, Bernard Berisha që është i suspenduar shkaku i kartonëve të verdhë, Milot Rashica dhe Arbër Zeneli që janë të lënduar.
Me strategjinë e Challandes, Sahiti pritet që në fushë të vendos lojtarët si: Arjanet Muric në portë, ndërsa në mbrojtje pritet të jetë, Mërgim Vojvoda, Amir Rrahmani, Ibrahim Dresevic dhe Florent Hadërgjonaj. Në mesfushë do të rikthehet Herolind Shala që mungoi në takimin ndaj Sllovenisë shkaku i lëndimit, së bashku me Hekuran Kryeziun.
Në sulm do të jetë i vetëm Vedat Muriqi, por që do të ndihmohet nga Edon Zhegrova, Bersant Celina dhe Valon Berisha.
(Kosova Sot Online )
