Barcelona në fazën tjetër të Ligës së Kampionëve, Uzuni shënon kundër Juventusit

  • A.P /
  • 24 nëntor 2020 - 23:06
Barcelona në fazën tjetër të Ligës së Kampionëve, Uzuni shënon kundër Juventusit

Barcelona ka fituar si mysafirë i Dinamo Kievit për ta siguruar kalimin tutje në Ligën e Kampionëve. Me këtë fitore Barcelona ka katër fitore nga katër ndeshje. Në anën tjetër, Juventusi ka fituar në fund të ndeshjes kundër kundër Ferencevarosit, në të cilën ndeshje sulmuesi i Kombëtares shqiptare, Myrto Uzuni shënoi gol

Dinamo Kiev-Barcelona 0-4

Barcelona ka fituar në Kiev sonte duke u kualifikuar kështu në 1/8 e finales se Ligës së Kampionëve. Katër ndeshje dhe katër fitore për djemtë e Ronald Koeman që sonte startoj me një ekip të ri të Barcelonës, derisa Messi nuk ishte ftuar fare në këtë ndeshje. Dy gola Barcelona i shënoi në pjesën e dytë, pasi që pjesa e parë përfundoi pa gola. Sergino Dest shënoi për Barcelonën në minutën e 52-të kurse në minutën e 57-të shënoi edhe Braithëait. Barcelona e kreu punën në minutën e 70-të Braithëaite do të shënonte golin tjetër nga penalltia për rezultat 0-3. Griezmann shënoi golin e katër për Barcelonën në minutën e dytë shtesë të ndeshjes. Barcelona është kualifikuar për në 1/8 e finales se Ligës së Kampionëve.

Juventus-Ferencevaros 1-1

Juventusi, po ashtu është kualifikuar në fazën tjetër të Ligës së Kampionëve pasi që ka mposhtur me shumë vështirësi Ferencevaros të Hungarisë me rezultat 2-1. Ishte Myrto Uzuni që shënoi golin e parë për Ferencevaros, një gol të bukur pas një kundërsulmi të hungarezeve në minutën e 19-të. Megjithatë, Cristiano Ronaldo shënoi golin e barazimit në minutën e 35-të. Me rezultat 1-1 do të përfundonte pjesa e parë. Juventusit ju deshën minutat shtesë për ta shënuar golin e dytë dhe të epërsisë, të cilin gol ata e shënuan në minutën e dytë shtesë të takimit me anë të Alvaro Moratas. Nga katër ndeshje Juventusi është në vendin e dytë me 9 pikë, 3 më pak se Barcelona në vendin e parë. Por me këto pikë Juventus kualifikohet në Ligën e Kampionëve për 1/8 e finales. 

(Kosova Sot Online)