United deklason Basaksehirin, fitore e vështirë e PSG

  • A.P /
  • 24 nëntor 2020 - 23:25
United deklason Basaksehirin, fitore e vështirë e PSG

Manchester United e ka mundur me rezultat 4-1 Basaksehir për të marrë fitoren e tretë nga katër ndeshje në Ligën e Kampionëve. Fitore ka shënuar edhe PSG por tepër të vështirë kundër Leipzig në Paris

Manchester United-Instanbul Basaksehir 4-1

Manchester United e ka përfunduar ndeshjen që në 45 minutat e parë kundër Basaksehir në Old Trafford ku shënoi tre gola. Bruno Fernandes shënoi dy golat e parë, të parin në minutën e 7-të dhe 19-të. Goli i tretë për United erdhi nga penalltia dhe e shënoi Marcus Rashforde. Me rezultat 3-0 përfundoi edhe pjesa e parë. Në pjesën e dytë, Basaksehir u mundua të kthehet në lojë dhe shënoi gol në minutën e 75-të me anë të Turuc. Krejt në fund United do të shënonte gol me Daniel James për t’i dhënë fund këtij takimi. Me këtë fitore, United ka 9 pikë në vendin e parë, kurse 6 pikë ka PSG në vendin e dytë, aq sa ka edhe Leipzig në të tretin. Basaksehir ka 3 pikë dhe është në vendin e fundit.

PSG-Leipzig 1-0

PSG ka arritur fitore të vështirë kundër Leipzig në Parc des Princës. I vetmi gol në këtë ndeshje u shënua në minutën e 11-të me anë të Neymar nga penalltia. Ky gol vjen me kthimin e Neymar që i ka munguar PSG-së për shkak të një lëndimi. Leipzig luftoi shumë deri në fund të ndeshje që s’paku ta nxirrte një barazim por nuk ja doli. Kjo është një fitore e rëndësishme e PSG, pasi që me të ata mund të rrisin shanset për t’u kualifikuar tutje. Nga katër ndeshje PSG ka dy humbje dhe dy fitore.  

(Kosova Sot Online)