Lexoni edhe:
Bizneset e Blerim Devollit prijnë në kriminalitetin ekonomik që po e shkatërron ekonominë e Kosovës
Trajneri i Arsenalit, Mikel Arteta, ka thënë se nuk brengoset për postin e vet, megjithëse skuadra e tij e shënoi fillimin më të dobët të sezonit që prej vitit 1981 pas humbjes kundër Wolves të dielën në një ndeshje të lënë nën hije nga lëndimi i tmerrshëm i Raul Jimenez në Emirates.
Topçinjtë renditen në vendin e 14-të në Premierligë pas pesë humbjeve në 10 ndeshje – një vit nga dita kur u shkarkua Unai Emery nga posti i trajnerit – dhe janë rrahur në tri ndeshjet e fundit në stadiumin e vet.
Por pavarësisht formës tejet të dobët, trajneri spanjoll këmbëngul se nuk brengoset aspak për postin e vet.
“Ditën që vendosa të bëhem trajner e dija se një ditë do të shkarkohem apo do të largohem nga klubi, por nuk e di se kur do të ndodhë kjo”, tha Arteta.
“Në këtë profesion, e di që do të ndodhë por unë nuk brengosem asnjëherë”, shtoi ai.
“Shqetësimi im i vetëm është si ta nxjerr më të mirën nga lojtarët dhe si t’i shërbej më së miri që është e mundur këtij klubi”, nënvizoi ai.
(Kosova Sot Online )