Roma mund Young Boys dhe fiton Grupin A
Roma e ka mposhtur me përmbysje Young Boys për ta fituar kështu Grupin A të Europa Ligës. Romakët e nisën keq këtë takim, pasi ishin në disavantazh, por ata e morën vetën dhe arritën që të fitojnë dhe kështu të jenë lider në Grupin A pas 5 xhirove
Roma e ka mundur me rezultat 3-1 skuadrën e Young Boys duke fituar kështu Grupin A në Europa Ligë.
Skuadra e Marash Kumbullës ishte dominuese në këtë takim por që ishin ata të parët që pësuan.
Mysafirët bën një kundërsulm interesant dhe shënuan gol në minutën e 34-të me anë të sulmuesit Nsame.
Skuadra romake do të barazonte rezultatin një minutë para se të përfundoi pjesa e parë dhe golashënues ishte i huazuari nga Real Madridi, sulmuesi Borja Mayoral.
Me rezultat 1-1 përfundoi pjesa e parë.
Në pjesën e dytë ishin Roma më kërkues dhe arritën që të shënojnë dy gola.
Goli i parë në pjesën e dytë erdhi në minutën e 59-të dhe ishte një perle e bukur e shënuar nga Calafiori.
Rezultatin e kësaj ndeshje do ta vuloste një gol i shënuar i Edin Dzekos në minutën e 81-të.
Roma me këtë fitore ka 13 pikë në Grupin A derisa ka mbetur edhe një xhiro për t’u luajtur. Në anën tjetër Young Boys është e dyta në grup dhe ka shtatë pikë. Kampioni zviceran duhet ta kërkojë kualifikimin në ndeshjen e fundit ku do të luajë kundër CFR Cluj në shtëpi të vet.
(Kosova Sot Online)