Lexoni edhe:
Reagimi i Kloppit pasi Mourinho i tha se Tottenhami e meritonte fitoren kundër Liverpoolit
“Çfarë e vrau Maradonën?”, dokumentari që “zbulon” shkaqet e vdekjes se “Pibe de Oro”
Javët e fundit është shkruar dhe thënë shumë për Diego Armando Maradonën. Vdekja e tij, në moshën 60-vjeçare, tronditi të gjithë botën, por midis thashethemeve mbi trashëgimisë, historive të dhomave të zhveshjes, qëndron misteri mbi shkaqet e vdekjes së tij. Sipas gazetës spanjolle “El Mundo Deportivo”, Discovery Uk është përpjekur të hetojë mbi shkakun e vdekjes, duke porositur ITN Productions të prodhojë një dokumentar me titull: “Çfarë e vrau Maradonën?”.
Sipas versionit zyrtar, “Pive d’Oro” vdiq për shkak të mosfunksionimit të zemrës, por ka hije dyshimi për shkaqet e vërteta. Përmes intervistave me shkencëtarë, mjekë dhe njerëz të ndryshëm pranë legjendës argjentinase, ky dokumentar përpiqet të analizojë shkaqet e vërteta që çuan në vdekjen e kampionit të madh të futbollit. Bëhet një kthim pas duke u përqendruar në stilin e tij të jetës, për të hapur “Kutinë e Pandorës”.
“Ky dokumentar ofron një pasqyrë unike në jetën dhe vdekjen e Maradonës, duke folur me njerëzit që e njihnin, e donin dhe punonin me të,” – zbuloi Sarah-Jane Cohen nga ITN Productions. Dokumentari pritet të jetë shfaqet ekskluzivisht në platformën “Discovery Plus”, duke filluar nga 28 dhjetori.
(Kosova Sot Online )
