Zyrtare: Juventus-Napoli do të riluhet
Napoli e ka fituar apelin e tyre pas humbi tri pikë në tavolinë kundër Juventusit, por tani ndeshja do të riluhet dhe dënimi me një pikë është hequr
Ndeshja nuk ishte luajtur më 4 tetor kur Napoli nuk kishte udhëtuar në Torino për ndeshje.
Napoli ishte dënuar automatikisht me humbje 3-0 në tavolinë dhe minus një pikë për mos udhëtimin e tyre në ndeshje sipas orarit.
Skuadra nga jugu i Italisë nuk ishte pajtuar me këtë pasi që ata kanë thënë se ishin urdhëruar nga autoriteti lokal shëndetësor për shkak të dy rasteve pozitive në skuadër me Covid-19, lojtarët Piotr Zielinksi dhe Eljif Elmas.
Ndeshja ishte në orar pak ditë pasi që Napoli luajti me Genoan, e të cilët kishin pasur afër 20 pjestarë të kubit me Covid.
Megjithatë, Lega Serie A dhe FIGC kishte thënë se Napoli nuk i ka respektuar masat e COVID-19 dhe nuk kishte ofruar fakte të mjaftueshme pse nuk kanë udhëtuar në ndeshje.
Napolit i ishin refuzuar dy apele, por ata dërguan rastin në CONI (Komiteti Olimpik i Italisë) dhe Bordin për Garanci të Sportit, e ku këta kanë vendosur në favor të tyre.
(Kosova Sot Online)
