Lexoni edhe:
Galatasaray shkon në Itali për Muriqin
Dy përballje interesante basketbolli në mesjavë
Në mesjavë do të zhvillohet xhiroja e 13-të në Superligën e Kosovës në basketboll.
Takim interesant shihet ai ndërmjet Golden Eagle Yllit dhe Pejës.
Therandasit kanë shtatë fitore dhe pesë humbje në këtë edicion, kurse pejanët tetë fitore dhe katër humbje.Fakt interesant është edhe ballafaqimi i trajnerëve nga Turqia. Fatih Emre Gezer i Yllit dhe Shemsettin Bash i Pejës.
Ndërkohë, të mërkurën përballen edhe dy skuadrat me traditë, Vëllaznimi dhe Sigal Prishtina, por që nuk janë në pozita të dëshiruara.
Kuqezinjtë kanë katër fitore dhe tetë humbje, derisa Bardhekaltrit tri fitore dhe nëntë humbje.
Të enjten zhvillohet derbi i qytetit ndërmjet Bashkimit dhe Ponte Prizrenit, dy skuadra që janë në formë shumë të mirë.
Bashkimi ka gjashtë fitore dhe gjashtë humbje, kurse Ponte Prizreni nëntë fitore dhe tri humbje.
Trepça që ka bërë disa ndryshime në skuadër do të ndeshet me Rahovecin, që ka synime të mëdha në këtë edicion.
Mitrovicasit kanë dy fitore dhe dhjetë humbje, kurse Vreshtarët nëntë fitore dhe tri humbje.
(Kosova Sot Online )
