Dy klube evropiane interesohen për futbollistin e Manchester Unitedit
Futbollisti i Manchester Unitedit, Timothy Fosu-Mensah po kërkohet nga dy skuadra të njohura evropiane.
Sky Sports raporton se Bayer Leverkusen dhe Ajax janë ekipet që po interesohen për shërbimet e 23-vjeçarit.
Mensah e nisi me Manchester Unitedin në vitin 2016, për t’u huazuar për dy vite në dy klube të ndryshme, te Crystal Palace dhe Fulham.
Në sezonin 2020/21, Mensah është paraqitur vetëm tri herë për “Djajtë e Kuq”. Një herë në Premierligë dhe dy herë tjera në Champions League.
Siç duket, 23-vjeçari nuk është në planet e trajnerit Solskjaer.
(Kosova Sot Online)