Fitore e rëndësishme e City, drejt titullit të ri në Premier Ligë
Manchester City ka fituar me rezultat 1-4 kundër Liverpoolit në Anfield, duke bërë kështu një shkëputje prej 5 pikësh nga Manchester United. City po ashtu ka edhe një ndeshje më pak se United. Pesë golat në këtë ndeshje u shënuan në pjesën e dytë.
Liverpool nuk ka arritur që ta mposht Manchester City në Anfield sonte dhe kështu të hyjë në garë për ta mbrojtur titullin e Premier Ligës.
Pjesa e parë ishte shumë më e mirë për Liverpool të cilët patën disa raste për shënim, por që nuk i shfrytëzuan si duhet.
City e kishte mundësinë që të kalonte në epërsi edhe në pjesën e parë kur në minutën e 37-të Sterling u pengua në zonë nga Fabinho duke shkaktuar penallti. Megjithatë, Gundogan nuk arriti që të shënonte gol duke goditur topin jashtë portës.
Në pjesën e parë nuk pati gola.
Pjesa e dytë nisi me gol që në minutat e parë të saj.
Të parët që kaluan në epërsi ishin City ku në minutën e 49-të shënoi Gundogan.
Liverpool do të reagonte dhe do të sulmonte disa herë portën e Ederson dhe pas një gabimi në mbrojtje Salah fiton penallti të cilën e shndërron në gol në minutën e 63-të.
Kur u mendua që Liverpool do të kthehej në lojë, kjo nuk ndodhi.
Fillimisht City do të shënonte gol me Stones në minutën e 71-të por që u anulua pasi që ishte në pozitë jashtëloje.
Por, Alisson duket se nuk ishte në ditën e tij më të mirë sonte pasi që bëri dy gabime që dërguan Cityn në dy gola të shënuar.
Ishte Gundogan që riktheu epërsinë përsëri për City në minutën e 73-të. Këtu shumicën e punës e kreu Phil Foden i cili asistoi për turkun.
Goli i tretë për City po ashtu ishte një gabim i portierit pasi që ai ia fali një top Bernardo Silvës ku ky i fundit asistoi për Sterlingun që shënoi në minutën e 76.
Ndeshja e mirë për Foden u shpërblye pasi që anglezi do të shënonte një gol të bukur në minutën e 83-të një gol të bukur.
Kjo fitore bën që City ta përforcon kreun e tabelës me 50 pikë, 10 më shumë se Liverpool që është në vendin e 4 dhe 5 më shumë se United që është në vendin e dytë. City po ashtu ka një ndeshje më pak se United kështu që ky dallim mund të jetë më i madh në ditët në vazhdim.
(Kosova Sot Online)
