Lexoni edhe:
Qeveria Kurti 2, kjo është formula e funksionimit stabil në interesin strategjik e politik ndërkombëtar për të ardhmen e Kosovës
Andrea Pirlo i mllefosur pas humbjes : Ia dhuruam fitoren Portos në pjatë argjendi
Trajneri i Juventusit, Andrea Pirlo, është shprehur i mllefosur me skuadrën e tij që, sipas tij, ia dhuroi Portos golin e parë në pjatë argjendi, në humbjen e së mërkurës 2:1 në Ligën e Kampionëve.
Porto shënoi nga një herë në fillim të të dy pjesëve përmes Mehdi Taremi dhe Moussa Marega, por një gol i vonshëm i Federico Chiesas ia mbajti gjallë shpresat gjigantit të Serie A.
Por Pirlo ishte i mllefosur prapëseprapë me paraqitjen e skuadrës së tij në ndeshjen e parë të 1/8 e finales, veçanërisht me gabimin trashanik në posedim që ia dhuroi Taremit golin e parë.
Juventusi do ta presë Porton në Torino për ndeshjen e kthimit, me përparësinë e golit të shënuar si mysafir.
“Ne u përgatitëm mirë për këtë ndeshje, nuk e mbajtëm qëndrimin që deshëm por fakti që e pranuam një gol në minutat e para duke ia dhuruar atë kundërshtarit në pjatën e argjendtë, i vështirësoi gjërat për ne”, tha Pirlo për Sky Sport Italia.
“Patëm qasje të gabuar pasi e pranuam golin. Ne planifikuam të sulmonim në hapësira të thella, por kur e mban topin shumë në këmbë, atëherë gjërat komplikohen”, shtoi ai.
(Kosova Sot Online )
