Mourinho e mbron filozofinë e lojës së vet: Metodat e mia janë më të mirat në botë
Jose Mourinho i ka hedhur poshtë sugjerimet se ai duhet ta ndryshojë filozofinë e lojës pas një humbjeje tjetër të Tottenhamit në Premierligë, duke këmbëngulur se metodat e tij janë më të mirat në botë.
Skuadra e trajnerit portugez e pësoi disfatën e pestë në gjashtë ndeshjet e fundit në ligë, pasi u mund nga West Hami të dielën.
Si pasojë, Tottenhami ka mbetur nëntë pikë mbrapa top katërshes në Premierligës.
Ky rezultat pothuajse ia ka shuar shpresat Tottenhamit për kualifikim në Ligën e Kampionëve sezonin e ardhshëm, por Mourinho nuk e pranon se skuadra e tij është në krizë.
“Jo aspak, zero”, tha Mourinho në konferencë për media i pyet nëse skuadra e tij është në krizë.
“Nganjëherë rezultatet janë pasojë e sugjerimeve të shumëfishta. Të miat dhe metodat e stafit tim janë më të mirat në botë”, shtoi ai.
“Nuk e di se çfarë doni të thoni me krizë. Nëse krizë quajmë mllefin dhe trishtimin në zhveshtore, atëherë po, sepse askush nuk është i lumtur”, nënvizoi ai.
(Kosova Sot Online )
