UEFA ia uron ditëlindjen Zenelit me një video nga het-triku i tij i paharrueshëm kundër Azerbajxhanit

UEFA ia ka uruar ditëlindjen Arbër Zenelit me një video nga het-triku i tij i paharrueshëm për Kosovën kundër Azerbajxhanit në edicionin e parë të Ligës së Kosovës.

Përfaqësuesi i Kosovës dhe ylli i Stade de Reims Zeneli i mbush 26 vjet sot.

Zeneli ka shkëlqyer në fanellën e Kosovës, veçanërisht në Ligën e Kombeve në edicionin 2018/19, prandaj edhe UEFA ka zgjedhur t’ia urojë ditëlindjen me pamje nga paraqitja e tij më e mirë në fanellën dardane në këtë garë.

Lexoni edhe:

Zidane: Ende asgjë nuk ka mbaruar, është 50-50

Faqja e UEFA-s në gjuhën gjermane në Twitter shkroi: “Urime ditëlindjen, Arbër” në përshkrimin e videos me golat e Zenelit kundër Azerbajxhanit.

Në nëntor të vitit 2018, Zeneli e frymëzoi Kosovën drejt triumfit mahnitës 4:0 kundër Azerbajxhanit në ndeshjen e fundit të Grupit 3 në Ligën D, duke ia siguruar vendin e parë në grup dhe promovimin në Ligën C.

Ai ishte het-triku i parë dhe i vetëm deri tani i Zenelit në fanellën e Kombëtares.

Që prej debutimit të tij në tetor të vitit 2016 nën urdhrat e trajnerit të atëhershëm Albert Bunjaki, Zeneli i ka zhvilluar 22 ndeshje zyrtare dhe miqësore për Kosovën, duke i shënuar 7 gola dhe 1 asist.

(Kosova Sot Online )