Lexoni edhe:
Ky ishte reagimi i babait të Messit pasi Laporta u zgjodh president i Barcelonës
Deklarohet Berat Xhimshiti, pasi e ndali Romelu Lukakun
Mbrojtësi shqiptar i Atalantës, Berat Xhimshiti, ka thënë se ai dhe bashkëlojtarët e tij e dinin se i priste një ndeshje shumë e vështirë kundër Interit, të cilën e humbën nga një gol i vetëm.
Përfaqësuesi i Kombëtares së Shqipërisë Xhimshiti bëri një paraqitje për t’u mbajtur në mend ndaj njeriut më në formë dhe pothuajse të pandalshëm në Serie A këtë sezon, duke i fituar pothuajse të gjitha duelet kundër sulmuesit belg të Interit në San Siro.
Interi e shënoi golin e triumfit falë shkathtësive të Milan Skriniar gjatë një rivënieje nga këndi.
Përveç se i fitoi gati të gjitha duelet në ajër dhe në tokë me Lukakun, Xhimshiti nuk e lejoi 27-vjeçarin të shënojë në një rast kur ai po dilte përballë portierit në pjesën e parë.
“Pati shumë duele. Por ne e dinim se do të ishte një ndeshje e vështirë”, tha Xhimshiti pas ndeshjes.
“Duhet të jemi më sulmues, por e dimë se mbrojtja e Interit është shumë e fortë.
Qendërmbrojtësi kuqezi ishte afër edhe të shënon gol për Atalantën por goditja e tij me kokë pas një rivënie nga këndi u ndal nga Marcelo Brozovic në vijën e portës.
(Kosova Sot Online )
