Lexoni edhe:
Messi e thyen rekordin e Xavit si lojtari me më së shumti paraqitje për Barcelonën
Allegri më në fund tregon pse e refuzoi Real Madridin
Massimiliano Allegri këmbëngul se klubi i vetëm që e refuzoi ishte Real Madridi dhe kjo kishte ndodhur para tri vjetëve, duke thënë se i kishte premtuar Juventusit se nuk do të largohej.
Trajneri italian e theu heshtjen gati dy vjet pasi u shkarkua nga Juventusi, megjithëse e kishte titullin në Serie A pesë herë në pesë vjet dhe e kishte arritur finalen e Ligës së Kampionëve dy herë gjatë asaj kohe.
Në një intervistë me mediat italian të dielën, Allegri u pyet për të ardhmen por edhe nëse kishte refuzuar shumë oferta nga klubet e mëdha në muajt e fundit.
“Kur Real Madridi më telefonoi para tri vjetëve, i kisha premtuar Juventusit se do të qëndroja. Ky ishte ekipi i vetëm që e refuzova”, zbuloi Allegri për Sky Sport Italia.
Allegri u shkarkua një vit më vonë, megjithëse i kishte mbetur edhe një vit kontratë me klubin.
Marrëveshja me Juven i ka mbaruar tashmë dhe Allegri është i lirë.
I pyetur nëse do të kthehej në Juventus, Allegri theksoi: “E pamundur ta dish, pastaj, Andrea Pirlo është atje dhe sipas mendimit tim po bën punë të mirë”.
(Kosova Sot Online )
