Lexoni edhe:
Ministri Çeku: KOK-u do ta ketë mbështetjen e plotë të MKRS-së
Kryeministri i Republikës së Kosovës, Albin Kurti e ka vizituar sot ekipin Kombëtar të Kosovës në futboll në hotelin ku ata po qëndrojnë. Kryeministri Kurti zhvilloi një bashkëbisedimi të këndshëm me futbollistët dardanë, e gjithashtu edhe me krerët e FFK-së.
Gjatë kësaj vizite Kurti përgëzoi djemtë dardanë për paraqitjet e tyre mbresëlënëse dhe i uroi për një cikël të suksesshëm në kualifikimet për Botërorin “Katar 2022”.
Ministri Çeku: KOK-u do ta ketë mbështetjen e plotë të MKRS-sëLexoni edhe:
Kurti theksoi se futbolli në Kosovë gjithmonë ka qenë sport i dashur, derisa tani sukseset e djemve dardanë po e bëjnë krenar të gjithë popullin.
Ai u shpreh i lumtur që në kampin e Dardanëve ekziston një atmosferë shumë e mirë dhe harmoni ndërmjet lojtarëve, pasi kjo është garancë për suksese të reja.
Kosova e nis të dielën fazë kualifikuese për Kampionatin Botëror duke u përballur me Suedinë në stadiumin “Fadil Vokrri”, kurse tri ditë më vonë udhëton për t’u përballur me Spanjën.
(Kosova Sot Online )