Real Madridi e mposht Eibarin dhe i afrohet në vetëm tri pikë liderit të La Ligës

  • G.G /
  • 03 April 2021 - 20:26
Real Madridi e mposht Eibarin dhe i afrohet në vetëm tri pikë liderit të La Ligës

Real Madridi e ka mposhtur 2:0 Eibarin, duke e shtuar presionin ndaj liderit të La Ligës, Atletico Madrid, pasi i është afrua rivalit të qytetit në vetëm tri pikë.

Marco Asensio dhe Karim Benzema shënuan për një fitore të vështirë të skuadrës Zinedine Zidane në një mot me shi të madh në Madrid të shtunën.

Kjo fitore nënkupton se Reali tani ngrihet në vendin e dytë me 63 pikë, një më shumë se Barcelona në vendin e tretë dhe tri më pak se lideri Atletico.

Atletico takohet me Sevillën nesër në mbrëmje, ndërsa Barcelona e pret Real Valladolidin të hënën në ndeshjet e kësaj jave, që nënkupton se renditja në La Liga mund të ndryshoj përsëri.

Real Madridi e pati plotësisht në kontroll takimin me Eibarin, duke e zotëruar topin 63%, krahasuar me 35% të vizitorëve.

Por skuadrës së Zidane ia anuloi VAR-i dy gola, pasi Benzema dhe Asensio kishin shënuar nga pozita jashtë loje.

Asensio, megjithatë, u siguruar ta mposhtë gracën e pozitës jashtë loje dhe e kaloi Madridin në epërsi në minutën e 41-të.

Në një pjesë të dytë të rënduar nga reshjet e dendura të shiut, Benzema e dyfishoi epërsinë kur shënoi me kokë pas një harkimi nga Vinicius Junior në minutën e 73-të.

Javën e ardhshme, Real Madridi do të përballet me Barcelonën në Camp Nou. 

(Kosova Sot Online)