Lexoni edhe:
“Chelsea është në gjysmëfinale për një arsye” – Zidane i kënaqur me barazimin
Arrihet marrëveshja për meçin e shumëpritur mes Mayweather dhe yllit të YouTube
Ish-kampioni i pamposhtur i botës Floyd Mayweather dhe ylli i YouTube i shndërruar në boksier amator Logan Paul do të përballen në një meç ekzibicioni këtë verë. Ata do të përballen më 6 qershor në stadiumin Hard Rock në Miami të Shteteve të Bashkuara. Meci u konfirmuar nga vetë Mayweather në rrjetin social Instagram.
“Mayweather Promotions, Fanmio dhe Showtime Boxing janë bashkuar për ta sjellë një ngjarje epike”, shkroi 44-vjeçari Mayweather, i cili zotëron një rekord prej 50 fitoreve dhe asnjë humbjeje.
Hera e fundit kur kampioni i botës në pesë kategori të ndryshme bëri luftë profesionale ishte gushti i vitit 2017, kur e mposhti kampionin e UFC-së Conor McGregorin, në ndeshjen e tij debutuese në boks.
Paul, ndërkohë, e ka vetëm një meç në historinë e vet, disfatën kundër një ylli tjetër të YouTube, KSI.
Paul nuk do të ketë telashe në tërheqjen e publikut për këtë meç, sepse i ka gati 22 milionë abonues në YouTube.
(Kosova Sot Online )
