Kaka mezi po pret ta shikojë Milanin në Champions, shpresat i ka te Ibrahimovic
Milani është duke luftuar për një vend në Ligën e Kampionëve.
Katër xhiro para fundit të sezonit, lufta për të marrë pjesë në Champions League është shumë e madhe dhe Milani, tani duhet të përballet me Juventusin për të mos mbetur jashtë zonës së Ligës së Kampionëve.
Legjenda Kaka, i ka shpresat te Zlatan Ibrahimovic që do të vendosë në këtë derbi.
“Mezi po pres të shoh përsëri Milanin në Champions League. Mungon vetëm pak, teksa tani është radha e ndeshjes me Juventusin dhe Pirlon. Kuqezinjtë mund ta fitojnë këtë takim dhe kanë shumë shanse të rikthehen në Champions. E uroj me gjithë shpirt një gjë të tillë, e di që të njëjtën gjë dëshirojnë edhe tifozët e Milanit”, tha ai.
“Nëse luan Ibra, i takon atij të ndëshkojë Juventusin dhe t’i dhurojë Milanit fitoren. Këtë vit kam parë shumë ndeshje, duke përfituar edhe nga pandemia”.
(Kosova Sot Online)