Lexoni edhe:
Në 6 vjetorin e lindjes, mami Nora dhe babi Roberti u bashkuan për t’i bërë Renee-s dhuratën më speciale!
Pamje ekskluzive: 38-vjeçari Ribery i turpëroi dhe i trullosi Rrahmanin dhe katër bashkëlojtarët e tij
Frank Ribery mund të jetë në perëndim të karrierës, por ai dëshmoi edhe një herë se talenti dhe shkëlqimi i tij nuk janë vyshkur akoma, duke ua kthyer në kujtesë tifozëve ditë e tij më të mira gjatë kulmit të karrierës.
Mbrojtësi i Kombëtares së Kosovës, Amir Rrahmani, ishte një nga pesë viktimat e Ribery-t në një driblim të jashtëzakonshëm të tij në humbjen e Fiorentinës 2:0 kundër Napolit të dielën në Serie A.
Kur Fiorentina po humbiste me një gol epërsi, pasi Lorenzo Insigne kishte shënuar nga penalltia e fituar paraprakisht nga Rrahmani, Ribery e mori një top pranë vijës anësore të napolitanëve dhe u fut me shpejtësi shumë pranë portierit, duke mos bërë hesap asnjë prej mbrojtësve që tentuan ta ndalnin.
Ai i kaloi dy lojtarë të Napolit, para se Rrahmani të përpiqej ta ndalte. Ai e trullosi qendërmbrojtësin kosovar duke e rrokullisur atë herë djathtas e herë majtas tri herë radhazi.
Por Alex Meret ia doli t’ia mohojë 38-vjeçarit një gol të paparë, duke e pritur goditjen e tij nga afërsia.
Ish-sulmuesi i Bayern Munich i ka shënuar dy gola dhe i ka dhuruar shtatë asiste në 28 paraqitje për Fiorentinën në Serie A këtë sezon.
(Kosova Sot Online )
