Lexoni edhe:
Adriano: Paramendojeni unë dhe Lukaku së bashku në fushë…mama mia!
Fury e kërcënon ashpër rivalin e tij Wilder: Qenka shkruar t’ia thyej kryet përsëri!
Tyson Fury e ka paralajmëruar Deontay Wilderin se, siç ka thënë, do t’ia thyejë kokën atij, pasi boksieri amerikan i kërkoi 20 dollarë euro për t’u tërhequr në mënyrë që të jetë i mundur zhvillimi i luftës së shumëpritur Fury-Joshua. Fury tha se nuk pret që të përballet me Anthony Joshuan në meçin e tij të radhës, pasi Wilderi i kërkoi 20 dollarë euro për t’u tërhequr dhe për ta lejuar zhvillimin e asaj lufte. Fury dhe Joshua kishin rënë dakord për luftën e shumëpritur në gusht.Por ekipi i Wilderit iu drejtuar gjykatës, e cila vendosi se ai kishte të drejtë kontraktuale për t’u përballur me Furyn për herë të tretë deri më 15 shtator. Fury ka thënë: “Wilderi i kërkoi 20 milionë dollarë për t’u tërhequr. Duket se më duhet t’ia thyej kryet përsëri”. Fury e postoi këtë mesazh në Instagram mbi një video ku Wilderi shihet duke stërvitur me trajnerin Malik Scott. Fury e fitoi titullon e kampionit të botës në kategorinë e rëndë në WBC, duke e mposhtur Wilderin me nokaut në rundin e shtatë në rimeçin e shkurtit 2020, pasi lufta e parë mes tyre kishte përfunduar në barazim.
Ata duhej të luftonin për herë të tretë por vonesat e shkaktuara nga pandemia COVID-19 e nxitën Furyn të kërkojë kundërshtar tjetër. Por pasi vonesat e shkaktuara nga pandemia bënë që trilogjia e korrikut të 2020-es të shtyhej, ekipi i Wilderit kërkoi që meçi të zhvendosej në vitin 2021. Fury e refuzoi këtë dhe tha se do kërkonte kundërshtar tjetër. Wilderi e çoi çështjen në gjykatë, e cila ia mbajti anën amerikanit dhe i dha afat Furyt deri më 15 shtator për meçin e tretë.
(Kosova Sot Online )
