Mkhitaryan nuk largohet nga Roma, rinovon për një sezon
Emri i rij u lidh me Milanin, por sa duket e gjitha ka qenë një presion për Romën.
Verdhekuqtë e kishin në plane, pas sezonit të mirë që bëri vjet dhe armeni Henrikh Mkhitaryan ka pranuar ofertën e bërë dhe ka rinovuar.
“Jam krenar që kam shansin të bëj pjesën time në të gjitha sfidat që na presin sezonin e ardhshëm. Forca Roma”, është shprehur mes të tjerash mesfushori, pasi nënshkroi kontratën e re me klubin italian.
Roma ka njoftuar se Mkhitaryan do të jetë pjesë e tyre edhe një sezon. Rol të rëndësishëm në rinovimin e tij ka luajtur edhe Jose Mourinho, i cili do të marrë drejtimin e italianëve nga 1 korriku.
Miki ka bërë 46 paraqitje për Romën sezonin që lamë pas, ka realizuar 15 gola dhe ka asistuar 13 herë.
(Kosova Sot Online)