Lexoni edhe:
Të hetohen dallaveret e kryetarit të Prishtinës, Shpend Ahmetit, me leje ndërtimi!
Kumbulla: Nuk u mendova dy herë për Romën, dua të luaj më shumë
Marrash Kumbulla dëshiron më shumë minuta në këmbët e tij te Roma. Qendërmbrojtësi i Kombëtares shqiptare nuk ka qenë titullar nën urdhëratë e Paulo Fonseca, por shpreson që me Jose Mourinhon do të ndryshojë situata.
Ai në sezonin e parë te Roma, është paraqitur 14 herë në Serie A dhe vetëm 21 herë në të gjitha garat.
“Jam gëzuar shumë, sepse më donin shumë ekipe të forta, por kur dëgjova se Roma më donte ishte një vendim i lehtë”, tha Kumbulla për Goal. “Brenda pak orësh vendosa të shkoja në Romë dhe isha shumë i lumtur për këtë”. Ai nuk luajti rregullisht siç shpresonte, por nuk mban inat ndaj ish-trajnerit tashmë Paulo Fonseca, i cili u lirua nga detyrat e tij në fund të sezonit.
“Unë kam një marrëdhënie të mirë me Fonseca, padyshim që doja të luaja më shumë, por kur je në një ekip shumë të mirë me lojtarë shumë të talentuar ndonjëherë është e vështirë të gjesh hapësirë”.
(Kosova Sot Online )
