Federata e Danimarkës tregon më të rejat rreth Eriksenit

  • A.P /
  • 13 qershor 2021 - 11:04
Federata e Danimarkës tregon më të rejat rreth Eriksenit

Federata e Futbollit e Danimarkës ka treguar sot për gjendjen e Christian Eriksenit, pas ngjarjes së djeshme ku danezi u shtri pa ndjenja në fushë, duke tronditur të gjithë.

Federata e Danimarkës theksoi se gjendja e Eriksenit është stabile dhe po vazhdon të trajtohet në spital

“Lajmet më të fundit: Këtë mëngjes kemi biseduar me Christian Eriksenin, i cili dërgoi mirënjohjet e tij te bashkëlojtarët. Gjendja e tij është stabile dhe po vazhdon të qëndrojë në spital për ekzaminimet e mëtutjeshme. Ekipi dhe stafi i kombëtares ka pranuar ndihma në këtë krizë dhe do të vazhdojë të jetë aty për njëri-tjetrin pas incidentit të djeshëm” – thuhej në njoftimin e Federatës Daneze të Futbollit.

Më tutje, ata falënderuan të gjithë për mesazhet e tyre për rastin e djeshëm

“Ne do të donim të falënderonim të gjithë për përshëndetjet e tyre dhe lutjet për Christian Eriksenin nga fansat, lojtarërt, Familjet Mbretërore të Danimarkës dhe Anglisë, Federatat e Futbollit, klubet, etj. Ne inkurajojmë të gjithë të dërgojnë mirënjohje e tyre për Federatën Daneze të Futbollit, ndërsa ne do të sigurohemi që të gjitha të përcillen te Erikseni dhe familja e tij” – thuhej në fund në njoftim.

(Kosova Sot Online)