Pogba: Jam i fokusuar në Kampionatin Evropian me Francën, më vonë do mendojë për të ardhmen

  • g./g /
  • 24 June 2021 - 12:04
Pogba: Jam i fokusuar në Kampionatin Evropian me Francën, më vonë do mendojë për të ardhmen

Mesfushori i Manchester Unitedit, Paul Pogba ka thënë se është i fokusuar te Kombëtarja e Francës dhe jo te e ardhmja.

Francezi është një ndër lojtarët kryesorë te gjiganti anglez, por spekulimet për të ardhmen e 28-vjeçarit vazhdojnë.

Dje, flokët e Pogbas ishin më ngjyrë të zezë dhe bardhë (si fanellat e Juventusit), andaj është pyetur lidhur me kalimin te ish klubi.

“E prisja këtë pyetje. Nuk ka të ardhme tani, vetëm Kampionati Evropian. Flokët e mi ndryshojnë shpesh”.

Pogba gjithashtu foli edhe për Karim Benzema, që shkëlqeu dje me dy gola.

“Jemi të lumtur që e kemi pranë nesh. Të shohim duke bërë gjëra të tilla. Tani, duhet të shpresojmë që edhe Mbappe të shënojë”.

“Kemi sulmues që e bëjnë ndryshimin, jemi të qetë”, deklaroi ai.

Ndërkohë, ndeshja e radhës për Francën është kundër Zvicrës

(Kosova Sot Online)