Benzema pas eliminimit: Zhgënjimi është i madh

Ylli i Francës, Karim Benzema ka reaguar pas eliminimit të mbrëmshëm nga Zvicra në të tetën e finales në Kampionatin Evropian.

Benzema ishte ndër më të mirët në fushë duke shënuar dy gola, por nuk mjaftuan për ta kualifikuar Francën në çerekfinale të Euro 2020.

Pas eliminimit, Benzema tha se është i trishtuar dhe i zhgënjyer me rezultatin e mbrëmshëm, ndërsa falënderoi të gjithë që e përkrahën në këtë rrugëtim.

“Të trishtuar dhe të zhgënjyer me rezultatin e ndeshjes së djeshme. Zhgënjimi është i madh, unë do të doja të vazhdoja t’ju emocionoja për një kohë të gjatë. Faleminderit për mbështetjen tuaj të palëkundur që nga fillimi i ketij Evropiani. Faleminderit për forcën që më ke dhënë çdo ditë. Asgjë nuk është kurrë e lehtë, ne vazhdojmë të luftojmë për t’u përgatitur për të ardhmen dhe të kthehemi edhe më të fortë” – shkroi Benzema në profilin e tij në Facebook.

Zvicra e mposhti kampionen e botës, Francën pas ekzekutimit të penalltive. Mbappe ishte i vetmi që humbi penalltinë dhe humbi edhe gjasat e Francës për t’i mbajtur dy titujt, të Evropës dhe botës.

Në çerekfinale të Kampionatit Evropian, Zvicra do të përballet me Spanjën. 

(Kosova Sot Online)