Mungon vetëm zyrtarizimi, Achraf kryen testet mjekësore te PSG

Mungon vetëm konfirmimi zyrtar, Achraf Hakimi do të bëhet nënshkrimi i dytë i PSG-së në afatin kalimtar të verës.

Ishi i Real Madridit zbarkoi në Paris sot dhe, sipas RMC Sport, tashmë i është nënshtruar një ekzaminimi mjekësor në kryeqytetin francez dhe e ka kaluar me sukses.

Në orët e ardhshme ai edhe zyrtarisht do të jetë pjesë e PSG-së.

Achraf do të nënshkruajë pesë sezone me Parisin.

Ai bëri një sezon fantastik me Interin, por klubi italian u detyrua që të shesë lojtar për shkak të fair play financiar. 

(Kosova Sot Online)