Lexoni edhe:
Liderët e vjetër po zëvendësohen me servilët e shefave të “pensionuar” e thellësisht të korruptuar!
Komisioni Sportiv i Nevadës nuk do t’i ndëshkojë aplikuesit e sporteve luftarake për marihuana
Komisioni Sportiv i Nevadës (NSAC)nuk do t’i dënojë aplikuesit e sporteve luftarake që dalin pozitiv në marihuana. Kështu ka njoftuar kjo organizatë ditën e mërkurë.
Në janar të këtij viti, UFC njoftoi se nuk do të penalizohen ata që dalin pozitiv për marihuana dhe tash të njëjtën do ta zbatojë edhe Komisioni i Nevadës.
“Çështja lidhur me marihuanën është se neve na intereson se çfarë ka konsumuar sportisti ditën e meçit dhe jo disa ditë apo javë para duelit, gjë që ka ndodhur shpesh”, kishte deklaruar Jeff Novitzky, zëvendëspresidenti i UFC-së për shëndet sportiv.
Ai kishte theksuar se nuk kishte lidhje specifike shkencore të përdorimit të marihuanës me çrregullimet në kuadër të garave sportive luftarake.
Në vitin 2015, NSAC e kishte suspenduar yllin e UFC-së, Nick Diaz, për pesë vite, pasi që kishte rezultuar pozitiv për metabolitët e marihuanës. Ndërsa një vit më vonë ia kishte zvogëlua pezullimin në 18 muaj.
Dhe të mërkurën, Komisioni Sportiv i Nevadës ka votuar që të mos marrë masa disiplinore ndaj sportistëve për kanabis. Vendimi i ri është aktiv nga dita e sotme (7 korrik 2021), ndërsa nuk është retroaktiv ndaj çështjeve që ende nuk janë gjykuar.
(Kosova Sot Online )
