Lexoni edhe:
McGregor nuk e kishte problem t’u thoshte Poirierit dhe gruas së tij se do t’i vriste kur ata të ishin në gjumë
Kapiteni i Italisë Giorgio Chiellini ka thënë se kishte mallkuar Bukayo Sakan para se adoleshenti i Anglisë ta gjuante dhe ta humbiste penalltinë vendimtare në finalen e Euro 2020 të dielën.
Goditja e Sakas nga pika e bardhë u ndalë nga portieri Gianluigi Donnarumma dhe Italia e fitoi trofeun evropian pasi ekipet ishin ndarë baras 1:1 gjatë 120 minutave lojë.
Pak para se Saka ta gjuante penalltinë, Chiellini bërtiti “Kiricocho!” – një fjalë e cila është përdorur nga futbollistët me dekada të tëra për t’i uruar fat të keq kundërshtarit.
Duke iu përgjigjur pyetjeve nga ESPN, Chiellini tha në italisht: “Përshëndetje Christian, mund të konfirmoj çdo gjë! Kiricocho!”
Një video e UEFA-s po ashtu e shfaq qartë mbrojtësin veteran duke bërtitur “Kiricocho” pak para se Donnarumma t’ia mbronte penalltinë Sakas për t’ia fituar Italisë titullin e dytë evropian.
Çka është mallkimi Kiricocho?
Juan Carlos “Kiricocho”, apo Quaricocho sipas disa versioneve të tjera të këtij tregimi, ishte një tifoz i flakët i klubit argjentinas, Estudiantes de la Plata, gjatë viteve 1980-ta.
Tifozi madje i kishte përcjellë shumë seanca stërvitore të klubit, por trajneri i Estudiantes Carlos Bilardo kishte filluar ta vërente së lojtarët e tij lëndoheshin në mënyrë misterioze sa herë që Kiricocho ishte i pranishëm.
Bilardo, thotë legjenda, i kishte thënë Kiricochos të shkonte për t’i përcjellë seancat stërvitore të rivalit të Estudiantes, me shpresën që ai do t’i përdorte fuqitë e tij mbinatyrore për ta ndihmuar e jo për ta dëmtuar ekipin e tij.
“Kiricocho ishte një fëmijë nga La Plata i cili ka qenë me në gjithmonë dhe që prej atij viti (1982) ne kemi qenë kampionë”, kishte thënë Bilardo një kohë.
Legjenda e Kiricochos është shpërndarë nëpër botën e futbollit që prej asaj kohe dhe lojtarët tani e përdorin këtë fjalë kohë pas kohe për t’i mallkuar kundërshtarët.
¡CONFIRMADO: DIJO'KIRICOCHO'! Chiellini le aseguró a @askomartin que utilizó la famosa maldición identificada con Estudiantes para que Inglaterra erre el último penal. pic.twitter.com/XxR9r8lV95
— ESPN Argentina (@ESPNArgentina) July 12, 2021
Tension → elation
— UEFA EURO 2020 (@EURO2020) July 12, 2021
??❤️ An unforgettable moment.@azzurri | #EURO2020 pic.twitter.com/ea6xED21bn
(Kosova Sot Online )