Wijnaldum prezantohet te PSG-ja, mezi po pret për aventurën e re
Georgino Wijnaldum është prezantuar sot si lojtar i PSG-së.
Mesfushori holandez erdhi me parametra zero nga Liverpooli dhe ka firmosur një kontratë 3-vjeçare me klubin francez, që shihet si një nga kandidatët kryesorë për fitimin e Champions League sezonin 2021/22.
30-vjeçari foli përpara tifozëve të rinj, duke u shfaqur i lumtur që do të luajë me skuadrën e Mauricio Pochettinos.
Përveç Wijnaldum, PSG këtë verë ka transferuar edhe Sergio Ramosin, Achraf Hakimin e Gigi Donnarumën.
Wijnaldum do ta veshë fanellën me numrin 18 te PSG.
(Kosova Sot Online)