Lexoni edhe:
Loriana Kuka mposhtet qysh në luftën e parë në Tokio 2020
Prishtina luan ndeshjen e kthimit ndaj Connahs, synon fitore edhe në Uells
Prishtina ka arritur fitore të madhe në rrethin e dytë të Ligës së Konferencës.
Kampioni i Kosovës triumfoi me rezultat 4-1 ndaj kampionëve të Uellsit javën e kaluar në stadiumin ‘Fadil Vokrri’.
Fitorja me tre gola epërsi i jep shpresë dhe motiv Prishtinës edhe për ndeshjen e dytë, për të kaluar tutje në rrethin e tretë të garës së tretë më të madhe evropiane për klube.
Ekipi i drejtuar nga trajneri Zekirja Ramadani me një këmbë është në rrethin e tretë, por me seriozitetin më të madh do t’i qasen edhe ndeshjes së kthimit ndaj Connahs Q.
Kryeqytetasit nga Kosova janë favorit të mëdhenj edhe për ndeshjen e dytë dhe synojnë që të marrin një tjetër fitore ndaj kampionëve në fuqi të Uellsit.
Ndeshja mes Connahs Q dhe Prishtinës zhvillohet në Park Avenue në Aberystwyth të Uellsit.
Ky takim do të gjykohet nga finlandezi Petri Viljanen së bashku me asistentët Mika Lamppu dhe Riku Vihreavuori.
(Kosova Sot Online )
