Salzburg e mposhti Barcelonën me një gol në fund të ndeshjes
RB Salzburg e ka mposhtur 2-1 Barcelonën në miqësoren që u zhvillua të mërkurën mbrëma.
Barcelona ka pësuar humbjen e parë në miqësore para startit të sezonit në La Liga.
Të besuarit e Ronaldo Koeman, pas disa fitoreve, janë mposhtur 2-1 nga Salzburgu.
Vendasit e nisën ndeshjen më mirë dhe shkuan në pushim të pjesës së parë me një gol epërsi.
Në minutën e 43’ Luka Susic lansoi një goditje të fuqishme më të majtën, duke e lënë të shtangur portierin Neto.
Në pjesën e dytë, Barça e dominoi më shumë lojën dhe e gjeti golin e barazimit në minutën e 83’.
Martin Braithëaite shënoi për 1-1 me shumë fat, nga një top i kthyer, duke barazuar gjithçka.
Por, vendasit reaguan menjëherë, duke triumfuar në fund.
Aaronson shënoi për rezultatin përfundimtar të ndeshjes 2-1 në minutën e 90-të.
Ndeshjen e radhës Barcelona do ta zhvillojë me 8 gusht kundër Juventusit.
(Kosova Sot Online)