Dy vjet në Manchester City dhe një vit në New York City, kjo është oferta joshëse për Leo Messin

Lionel Messi tashmë është duke dëgjuar ofertat nga klubet që kanë interesim për shërbimet e tij.

Barcelona nuk ka arritur të nënshkruaj me të për shkak të problemeve financiare.

PSG është një nga klubet e para që kanë bërë lëvizje për argjentinasin, siç raportohet klubi francez tashmë është në kontakt me Messin.

Megjithatë edhe grupi i futbollit “City Football Group” thuhet t’i ketë bërë ofertë Messit.

Sipas “Le10sport.com” ky grup i ka propozuar Messit kontratë 3 vjeçare ku dy vite do luante nën urdhërat e Pep Guardiolas kurse vitin e fundit të kontratës do t’a përfundonte në Neë York City.

Kjo ofertë mund t’a joshë Messin pasiqë kohë më parë ai kishte shprehur dëshirën e tij që karrierën e tij t’a mbyllte në Amerikë.

(Kosova Sot Online)