Lexoni edhe:
Armend Thaqi stërvit me Kombëtaren, mungon Celina
“Dardanët” e mbajtën stërvitjen e fundit në Kosovë, nesër shkojnë në Gjeorgji
Verdhekaltrit i zhvilluan dy stërvitje në Prishtinë, nesër në mëngjes nisen për në Gjeorgji. Në grumbullim mungoi Bersant Celina, ndërsa u ftua Armend Thaqi.
Ekipi kombëtar i Kosovës po i vazhdon përgatitjet për sfidat e shtatorit.
“Dardanët” e zhvilluan sot seancën e dytë dhe të fundit stërvitore në stadiumin “Fadil Vokrri” në Prishtinë.
Verdhekaltrit do ta marrin rrugën drejt Batumit të Gjeorgjisë nesër në mëngjes.
Ata do ta mbajnë një seancë stërvitore atje para duelit të 2 shtatorit me gjeorgjianët.
Trupa e Bernard Challandes dukej në disponim të mirë sot teksa bëri ushtrime të lehta.
Në grumbullim mungoi Bersant Celina, ndërsa trajneri zviceran e ftoi Armend Thaqin, i cili stërviti me ekipin.
Krahas duelit me Gjeorgjinë, “Dardanët” do t’i presin më pas Greqinë më 5 dhe Spanjën më 8 shtator në Prishtinë.
Kosova është ende në kërkim të pikëve të para në kualifikimet e Botërorit 2022.
Për ta arritur këtë, trajneri Challandes ka kërkuar nga lojtarët e tij ta ndryshojnë mentalitetin.
Në ndeshjet e shtatorit do të mungojnë sigurt Arbër Zeneli dhe Edon Zhegrova.
Ndërsa, Bernard Berisha nuk është ftuar fare nga Challandes.
(Kosova Sot Online)
